11 iyun 2019 17:08
272

Latviya sinoptikləri həyəcan təbili çalır

Latviya sinoptikləri “narıncı xəbərdarlıq” adlı həyəcan təbili çalıb.

AZƏRTAC xəbər verir ki, Latviyanın ətraf mühit, geologiya və meteorologiya mərkəzi gözlənilən anomal istilər səbəbindən əhalini xəbərdar edib. Belə ki, mülayim hava şəraitinə alışmış şimallılar üçün bu həftə gözlənilən 32 dərəcə isti təhlükəlidir. Bəzi ərazilərdə isə istilik 34 dərəcəyə çatacaq.

İndiyədək iyunda belə isti hava 1973-cü ildə qeydə alınıb.

Güclü istilərdən sonra isə yağış və çovğun gözlənilir.