Latviyada son sutka ərzində koronavirusa (COVID-19) yoluxanların sayı 9 nəfər artaraq 533-dən 542-yə çatıb.
Bu barədə Latviyanın Səhiyyə Nazirliyi məlumat yayıb. Bildirilib ki, epidemiyanın yayıldığı tarixdən bəri ölkədə 21 min 453 nəfər müayinə olunub.
Nazirliyin məlumatına əsasən, son sutka ərzində COVID-19 virusuna görə 773 nəfərdən 9-nun analiz nəticəsi müsbət çıxıb.
Virusa yeni yoluxma hallarının artacağı istisna olunmur.
Qeyd edək ki, ölkədə bu günədək koronavirusdan 1 ölüm faktı qeydə alınıb. //AZƏRTAC
