İtaliya A seriyasının XIX turun daha 4 oyunu keçirilib.

"İki sahil" xəbər verir ki, lider “Milan” ilk “dördlüy”ə düşməyi hədəfləyən “Atalanta”nı qəbul edib.

A seriyasının son 9 matçında məğlub olmayan “Atalanta” (5 qələbə, 4 bərabərlik) uğurlu seriyanı “San Siro”da da davam etdirib. Rəqib qapısından 3 cavabsız top keçirən berqamolular böyükhesablı qələbəyə sevinib.

Milanın çempionluğa iddia edən digər təmsilçisi “İnter” əzəli rəqibinin məğlubiyyətindən yararlana bilməyib. “Neradzurra” səfərdə “Udineze”nin müqavimətini qıra bilməyib.

“Fiorentina” isə doğma arenasında autsayder “Krotone”ni üstələyib.

Yanvarın 24-də keçiriləcək 5 oyunla birinci dövrə başa çatacaq.

İtaliya A seriyası
XIX tur
23 yanvar
“Roma” – “Speziya” – 4:3
Mayoral, 17, 52, Karsdorp, 55, Pelleqrini, 90+2 – Pikkoli, 24, Farias, 59, Verde, 90
“Milan” – “Atalanta” – 0:3
Romero, 26, İliçiç, 53 (pen.), Zapata, 77
“Udineze” – “İnter” – 0:0
“Fiorentina” – “Krotone” – 2:1
Bonaventura, 20, Vlahoviç, 32 – Simi, 66