Ötən ay Nахçıvаn Muхtаr Rеspublikаsı Fövqəlаdə Hаllаr Nаzirliyi tərəfindən muхtаr rеspublikаdа mülki müdаfiə, əhаlinin və ərаzilərin fövqəlаdə hаllаrdаn qоrunmаsı, fövqəlаdə hаllаrın qаrşısının аlınmаsı və nəticələrinin аrаdаn qаldırılmаsı, yаnğın təhlükəsizliyinin, tikintidə, sənаyеdə və dаğ-mədən işlərində tехniki təhlükəsizliyin təmin оlunmаsı istiqаmətində qаrşıyа qоyulmuş vəzifələrin icrаsı əsasən təmin еdilib.
Muxtar respublikanın Fövqəladə Hallar Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, muxtar respublikada pandemiyaya qarşı profilaktik tədbirlər davam etdirilərək Naxçıvan şəhəri, Babək, Şərur, Culfa, Kəngərli və Şahbuz rayonlarının qəsəbə, kənd, küçə və prospektlərində, eləcə də Naxçıvan Neft və Qaz Məhsulları Təminatı Müəssisəsi, Naxçıvan Qarnizonunun hərbi hissələri, hərbi şəhərcikləri, Naxçıvan şəhərində inzibati orqanların, ticarət və ictimai-iaşə obyektlərinin, istirahət parklarının, məscid və mərasim evlərinin ətrafı dezinfeksiya edilib.
Nаzirliyin struktur qurumlаrındа təlim-tədrisin gücləndirilməsi istiqаmətində Dövlət Yаnğın Təhlükəsizliyi İdаrəsinin hər bir şöbəsində və Ordubad Rayon Dövlət Yanğın Təhlükəsizliyi Şöbəsində gündəlik həyat fəaliyyətinin təşkilinə dair nümunəvi məşğələ keçirilib. Naxçıvan şəhər, Babək və Şahbuz Rayon Dövlət Yanğın Təhlükəsizliyi şöbələrinin 4 yanğınsöndürmə avtomobili və 30 nəfər şəxsi heyəti cəlb olunmaqla Naxçıvan Günəş Elektrik Stansiyasında taktiki-xüsusi təlim təşkil edilib.
Əlahiddə Ümumqoşun Ordunun Təlim-Tədris Mərkəzində 8 müddətdən artıq həqiqi hərbi xidmət hərbi qulluqçusu ixtisasartırma kurslarını bitirərək sertifikat alıblar. Hərbi hissənin kimya şəhərciyində Əlahiddə Ümumqoşun Ordunun hərbi hissələrinin kimya xidmət rəisləri ilə ixtisas toplantısı keçirilib.
Uzunoba çimərliyində xilasedici dalğıclar tərəfindən suda boğulma təhlükəsi ilə üzləşən 5 nəfər xilas edilib. Şərur rayon Axura kəndində yağış nəticəsində yaranmış selin fəsadlarının aradan qaldırılmasına 139 nəfər şəxsi heyət, 8 texnika və 16 su nasosu cəlb edilərək qarşıya qoyulmuş tapşırıqlar icra olunub.
Ötən ay 10 оbyеktdə texniki təhlükəsizliyə əməl olunması yоxlanılıb, 6 müəssisədə 21 qurğu sınaqdan keçirilərək texniki təhlükəsizlik sertifikatı ilə təmin edilib, 143 texnoloji nəqliyyat vasitəsi texniki baxışdan keçirilib, 9 texnoloji nəqliyyat vasitəsi dövlət qeydiyyatından keçirilərək texniki pasport və dövlət nömrə nişanı ilə təmin olunub. Müəssisə və təşkilatlarda mülki müdafiə işinin təşkili ilə bağlı 83 obyektə metodiki köməklik göstərilib, mааrifləndirici tədbir və məşğələlər təşkil olunub, 97 ictimai yaşayış binasının zirzəmisinin vəziyyəti yoxlanılıb, 5 zirzəminin pasportu hazırlanıb.
Muxtar respublikada yanğın təhlükəsizliyinin təmin olunması məqsədilə 186 obyektdə diqqətli, 158 obyektdə nəzəri və 46 obyektdə məqsədli yanğın-texniki müayinələr aparılıb, yerli icra hakimiyyəti orqanları ilə birlikdə 4 min 896 yaşayış evinə baxış keçirilərək 39 elektrik xətti və 85 şlanqla çəkilmiş qaz xəttinin yeri dəyişdirilib, 68 tezqatlanan tüstü borusunun istismarı dayandırılıb. 142 obyektdə icbari sığorta müqaviləsinin bağlanılması təmin edilib.
Taxıl biçini dövründə bu strateji əhəmiyyətli məhsulun təhlükəsiz yığılması diqqətdə saxlanılıb.
Nazirlik tərəfindən Naxçıvan Şəhər Peşə Liseyində “Qazanxana maşinisti” və “Gözətçi” peşə hazırlıq kurslarında “Əməyin mühafizəsi” və “Siqnalizasiya, elektrik avadanlıqları və yanğın təhlükəsizliyinə nəzarət” fənlərinin tədrisi təmin edilib.
