26 iyun 2020 21:37
437

Paşinyan: Ermənistan koronavirusa yoluxma sayına görə "liderlər" arasındadır

Ermənistan 1 milyon əhaliyə düşən koronavirusa yoluxma hallarının sayına və gündəlik yoluxma sayına görə dünyada ilk yerlərdən birini tutur.

Trend-in Ermənistan KİV-lərinə istinadən verdiyi məlumata görə, bunu ölkənin baş naziri Nikol Paşinyan deyib.

Onun sözlərinə görə, daha vacib bir problem var: "Bu şəraitdə, bizim ölkədə bütün əhali hər gün epidemiyaya qarşı mübarizə aparmalı idi, lakin təəssüf ki, reallıq belə deyil. Əksinə, koronavirus haqqında dezinformasiya yayılmağa davam edir. Artıq epidemiya əleyhinə tədbirlərin pozulmasına görə cinayət işimiz var. Cərimələrin ödənilməsi prosesinin başlandığı vaxt yaxınlaşır. Cərimənin tətbiq edildiyi andan ödənilməsinə qədər olan müddətin qısaldılması üçün qanunvericilikdə dəyişikliklərin mümkünlüyünü nəzərdən keçiririk"