2018/19 mövsümünü titulla başa vuran "Qəbələ" 4 futbolçu ilə yollarını ayırıb.  

"İki sahil" Futbol11.az-a istinadən xəbər verir ki, "qırmızı-qaralar" İlqar Qurbanov və legionerlər - Lalavele Atakora, Sabien Lilay, Stiven Jozef Monrozu yola salıblar. Futbolçularla yeni müqavilə imzalanmamasına qərar verilib. Monrozun karyerasını "Neftçi"də, Atakoranın isə Türkiyədə davam etdirəcəyi gözlənilir. 

Komandadakı digər legionerlərin taleyi isə hələlik müəyyənləşməyib. Vosilav Stankoviç, David Volkov və Ceyms Adeniyi müqavilələri davam etdiyi üçün komandada qalacaqlar. Müqaviləsi başa çatan qapıçı Dmitri Bezotosnı ilə danışıqlar aparılacaq. 

Qeyd edək ki, "Qəbələ" Azərbaycan kubokunun qalibi olub.