Əhalisi ölkəni tərk etdiyi üçün demoqrafik fəlakətlə üzləşən Ermənistanın «könüllülər»i də xarici ölkələrdən gətirilən muzdlu terrorçulardır
BMT -nin 75 illiyinə həsr edilmiş Yüksək Səviyyəli İclasda Qoşulmama Hərəkatının sədri, Azərbaycanın dövlət başçısı kimi çıxış edən Prezident İlham Əliyev ən yüksək tribunadan dünya xalqlarını bəşəri bəla olan terrorizmə qarşı birgə mübarizəyə çağırdı. Faşizm ideyalarını, terrorizmi dövlət siyasətinin əsas prinsipləri kimi dəstəkləyən işğalçı Ermənistanın təcavüzkarlığını pislədi: «Nasizmin şöhrətləndirilməsi Ermənistanın dövlət siyasətidir. Mənfur nasist general Qaregin Njde milli qəhrəmana çevrilib. Ermənistanın rəsmi ideologiyasında «Azərbaycanofobiya»” siyasəti hökm sürür. Gənc nəslə Azərbaycan xalqına nifrət aşılanır. Ermənistan bu yaxınlarda təcavüzkar və hücum xarakterli hərbi doktrina və milli təhlükəsizlik strategiyası qəbul edib. Milli təhlükəsizlik strategiyasında irqçi, şovinist və «Azərbaycanofob”» fikirlər əks olunub».
Otuz ildən artıqdır ki, Azərbaycan torpaqlarını işğal altında saxlayan Ermənistanın indiki və sabiq korrupsioner rəhbərlərinin terrora dəstək siyasətinin gətirdiyi fəlakətləri ötən il respublikamızda keçirilən və sədrliyi Azərbaycana həvalə olunan Türkdilli Dövlətlərin Əməkdaşlıq Şurasının, Qoşulmama Hərəkatının Zirvə toplantılarında , MDB Dövlət Başçılarının Aşqabad Sammitində açıqlayan Prezident İlham Əliyevin BMT-nin tribunasından işğalçılıq və separatizmin yaratdığı ərazi münaqişələrindən yaranan fəlakətləri dünya ictimaiyyətinin diqqətinə çatdırması ölkəmizin sülhsevər siyasətindən qaynaqlanan birlik və həmrəylik çağırışıdır.
Artıq erməni faşizminin əlavə şərhinə, isbat və sübutuna ehtiyac da yoxdur. İllərdən bəri işğal altında saxladıqları Azərbaycan torpaqlarında soydaşlarımıza qarşı törətdikləri vəhşiliklər, soyqırımlar, dağıtdığı kənd və şəhərlər, viran qoyduqları dini abidələr, ziyarətgahlar göstərir ki, bayquş xislətli, xarabalıq aşiqləri olan ermənilər qaniçən qatildirlər. Yerevanın mərkəzində faşist cəlladı və satqın, Qaregin Njde ləqəbi ilə alman faşistlərinə xidmət etmiş Qaregin Ter-Arutyunyana heykəl qoyulması da təsdiqləyir ki, kimliyindən asılı olmayaraq Ermənistanın bütün rəhbərliyi genlərində daşıdıqları faşizmə sadiqlik prinsiplərini, milli xüsusiyyətləri gorbagorlarından qalma miras kimi yaşadırlar.
Rusiyanın Müdafiə Nazirliyinin baş redaksiya heyəti tərəfindən nəşr edilmiş 12 cildlik «1941-1945-ci illərin Böyük Vətən müharibəsi” Ensiklopediyası»nın «Böyük Vətən müharibəsi illərində gizli müharibə, kəşfiyyat və əks-kəşfiyyat»” adlı VI cildində dərc edilmiş «Müharibənin son dövründə hərbi əks-kəşfiyyatın fəaliyyəti»” adlı məqalədə yazılır: «Əks-kəşfiyyatçılar 114-cü Dromedar oberqrupu barəsində agentura işi çərçivəsində daşnak ordusunun keçmiş generalı, almanların yanında Njde ləqəbi ilə xidmət etmiş mühacir Ter-Arutyunyanı aşkar edib və həbsə alıblar. Böyük Vətən müharibəsi illərində o, Bolqarıstan ərazisində milliyyətcə erməni olan 30-dan çox agent cəlb edib, onların təxribat hazırlığında və pozucu fəaliyyət üçün Qızıl Ordunun arxa cəbhəsinə atılmasında iştirak edib. SMERŞ qrupunun əməkdaşları olan 17 təxribatçı saxlanılıb, qalanları barədə axtarış elan edilib.»
«Almaniya uğrunda həlak olan Ermənistan uğrunda həlak olur”» şüarını əsas tutan Njde həm də Avropanın yəhudi əhalisinə qarşı Holokostda iştirak edib. Həmin şüarı törətdikləri qanlı cinayətləri ilə yaşadan, Ermənistana başçılıq etdikləri dövrdə minlərlə günahsız azərbaycanlını qətlə yetirən koçaryanlar, sarkisyanlar kimi, baş nazir Nikol Paşinyanı da hakimiyyətə sövq edən qan qoxusudur.
Ermənistana həmişə korrupsioner, başqaları tərəfindən idarə olunan rəhbərlərin başçılıq etməsi, işğalçı dövlətin müstəqil siyasətinin olmaması bu gün də onun törətdiyi təxribatlardan aydın olur. Başqalarının oyuncağı, siyasi vasitə, alət rolunu oynayan Ermənistan rəhbərliyinin yeganə istəyi varlanmaq, lazımi məqamlarda, zamanın istəyinə görə məkrli siyasət yeridərək, yağlı tikələrin artıqlarından bəhrələnməkdir. «Azərbaycan Ermənistanla yox, Dağlıq Qarabağla danışıqlar aparmalıdır» söyləməklə formatı dəyişdirməyə çalışan Ermənistanın rəhbərliyi savadsızlığını bildirməklə, beynəlxalq qanunlardan xəbərsiz olduğunu da göstərir.
İyul hadisələrində törətdikləri təxribatın məğlubiyyətini özlərinin qələbəsi kimi göstərən, əsgərlərini «mükafatlandıran» Paşinyanın, Ermənistanın müdafiə nazirinin «yeni ərazilər uğrunda müharibə» sayıqlaması da təxribatın bir təzahürüdür. Güclü orduya malik olduqlarını dilə gətirən, Azərbaycan əsgərlərinin əks-həmləsi qarşısında tab gətirməyərək kömək üçün Kollektiv Təhlükəsizlik Müqaviləsi Təşkilatına müraciət edən Ermənistanın bu xəyalları da doğrulmadı.
«Bu, bir daha onu göstərir ki, Ermənistan təcavüzkar dövlətdir. Onların Azərbaycana, azərbaycanlılara qarşı olan nifrəti bax, bu çirkin siyasətdə də özünü göstərir. Bir daha demək istəyirəm və onlara xəbərdarlıq etmək istəyirəm ki, əgər öz çirkin planlarından əl çəkməsələr, onlar üçün nəticələr çox ağır olacaq» söyləyən Prezident İlham Əliyevin bildirdiyi kimi Tovuz hadisələri onlar üçün dərs olmalıdır.
Gəncə və Naxçıvanla bağlı utopiyalarını həqiqət hesab edən Ermənistanı qorxuya salan digər məsələ Azərbaycan-Türkiyə qardaşlığı, hər iki dövlətin birgə keçirdiklər hərbi təlim - məşqlərdir.
Ermənistanin Tovuz istiqamətində törətdiyi təxribat zamanı hər zaman Azərbaycanın yanında olduğunu rəsmi bəyanatları ilə bildirən Türkiyənin Prezidenti Rəcəb Tayyib Ərdoğanın, bu ölkənin Böyük Millət Məclisi sədrinin, Müdafiə nazirinin, Xarici İşlər nazirinin həmrəylik çağırışları işğalçını təşvişə salır. Türkiyənin iqtidar partiyası AKP-nin sözçüsü Ömər Çeliyin « Ermənistan odla oynadığını bilsin. Bölgədə xaos yaratmaq fəaliyyətinin mərkəzində Ermənistan dayanır. Türkiyə Azərbaycanın yanındadır. Ermənistana bir daha xəbərdarlıq edirik ki, odla oynamasın» sözləri həmin bəyanatlardan yalnız biridir. Məcburi topladığı könülsüzlərdən ibarət «könüllü dəstə» formalaşdırmaqla nəyə isə nail olmağa çalışan Paşinyanın yalanlarını elə ətrafındakılar ifşa edir.
Paşinyanın qorxaqlığı, acizliyi, ələbaxanlığı göstərir ki, müstəqillik Ermənistanda formal xarakter daşıyır. Rusiyanın forpostu, quberniyası olan Ermənistanın «qərbli sahibi» Sorosdur. Ermənistanın baş naziri Paşinyan da Soros rejiminin məhsuludur. Bu baxımdan özünə məxsus heç nəyi olmayan Ermənistanın mənəmlik iddiasına düşməsi sərsəmlikdir.
Xuraman İsmayılqızı, «İki sahil»
