17 may 2019 16:51
104

Ukrayna xarici işlər naziri istefa ərizəsi yazıb

Ukraynanın xarici işlər naziri Pavel Klimkin vəzifəsindən istefa verdiyini bəyan edib.

AZƏRTAC xəbər verir ki, Klimkin bu barədə Facebook səhifəsində yazıb. O bildirib ki, istefa ərizəsini bu gün yazıb və mayın 20-də andiçmə mərasimindən sonra sənədi Ali Radaya və Ukraynanın yeni Prezidentinə təqdim edəcək.

"Düşünürəm ki, düzgün qərar vermişəm, çünki Zelenski xarici siyasətlə bağlı yeni komandası ilə çalışmalıdır. Ancaq əvvəl bəyan etdiyim kimi, prinsiplərimiz üst-üstə düşən məqamlarda Zelenskiyə kömək etməyə hazıram”, - deyə Klimkin əlavə edib.