Venesuelada koronavirus pandemiyası ilə əlaqədar elan olunmuş fövqəladə vəziyyət rejimi daha 1 ay müddətinə uzadılıb.

“İki sahil” Trend-ə istinadla xəbər verir ki, bu barədə ölkə Prezidenti Nikolas Maduro qərar verib.

Bununla da ölkədə fövqəladə vəziyyət dördüncü dəfə uzadılıb. Venesuelada fövqəladə vəziyyət martın 13-də elan edilmişdi. Rejim azı avqustun 10-dək davam edəcək.

Ötən sutka ərzində Venesuelada 431 yeni yoluxma, 3 ölüm qeydə alınıb. Bu günədək yoluxanların sayı 8 803, ölənlərin sayı isə 83 nəfərə çatıb.