Cenevrədə Azərbaycanın Xarici İşlər naziri Ceyhun Bayramovun Ermənistanın XİN rəhbəri Zöhrab Mnatsakanyanla görüşü başa çatıb.

"İki sahil" xəbər verir ki, bu barədə Ermənistan XİN-in mətbuat katibi Anna Naqdalyan bildirib. Danışıqlar 6 saatdan çox davam edib. Nazirlərin görüşünün detalları hələlik məlum deyil.

Qeyd edək ki, Cenevrə görüşü ATƏT-in Minsk Qrupunun həmsədrlərinin vasitəçiliyi ilə keçirilib. Qarabağ münaqişəsi ilə bağlı danışıqlarda həmsədrlər və ATƏT-in fəaliyyətdə olan sədrinin şəxsi nümayəndəsi Anjey Kaspşik də iştirak edib.

Xatırladaq ki, bundan əvvəl həmsədrlər nazirlərlə ayrılıqda görüşüblər.