17 may 2019 16:05
137

“Yuventus” klubunun baş məşqçi istefaya göndərilib

İtaliyanın “Yuventus” futbol klubunun baş məşqçisi Massimiliano Alleqri istefaya göndərilib.

AZƏRTAC klubun saytına istinadla xəbər verir ki, 51 yaşlı italiyalı mütəxəssisin istefası ilə bağlı klubun Direktorlar Şurasının sədri Andrea Anyelli mayın 18-də mətbuat konfransı keçirəcək.

M.Alleqri 2014-cü ildən “Yuventus” klubunu çalışdırır. Onun komandaya rəhbərliyi dövründə ardıcıl beş dəfə İtaliya çempionatının qalibi adını qazanan “Yuventus” dörd dəfə İtaliya kubokunun, iki dəfə isə ölkə superkubokunun qalib olub.