Azərbaycanın SOCAR-AQS dövlət şirkəti Banqladeşdə neft-qaz quyularının qazılması işləri ilə bağlı tenderin qalibi olub.
Trend-in məlumatına görə, bunu SOCAR-AQS-ın baş direktoru Ramin İsayev deyib.
R.İsayev deyib: "İşlər uğurla davam edir. Artıq işlərin ilk iki fazasını həll etmişik. İşlərin tam başa çatması üçün 45-50 gün lazımdır".
Onun sözlərinə görə, layihənin dəyəri 35 milyon dollar təşkil edir.
Qeyd edək ki, şirkət 2007-ci ildə yaradılıb.
Hazırda müəssisə "Günəşli", "Qərbi Abşeron", "Ümid" və "Bulla" dəniz yataqlarında qazma işləri aparır.
