İtaliyanın neft nəhəngi olan “Eni” şirkəti Misirdə, “Western Desert” adlanan ərazidə yerləşən quyuda təbii qaz kəşfinə imza atıb. İlkin olaraq quyudan  gündəlik 25 milyon  kub fut hasilat əldə olunub. Kəşf  “Faramid South” prospektindən 30 kilometr aralıda yerləşən “East Obayed”  və “Melehia” formasiyasını hədəfə alıb. Quyunun 17000  fut dərinliyində qaz layları aşkar olunub.

“Eni” şirkəti quyunun yüksək potensiala malik olduğunu təsdiqləyib.

“İki sahil” kallanishenergy.com  saytına istinadən xəbər verir ki, formasiyanın sahibi “AGIBA” şirkətidir  və “Eni” və “Egyptian General Petroleum Corp” (EGPC) şirkətləri isə  “AGİBA” şirkətinin birgə müəssisə şərikləridir.

 Qeyd edək ki, “Eni” şirkətinin  Misirdən əldə etdiyi gündəlik gəlirin ümumi həcmi 320000 barrel neft ekvivalentidir.