2008-2017-ci illər arasında “Black Sea Terminal” - Kulevi Neft Terminalına 96 mln. ABŞ dolları sərmayə yatırılıb.
"Report" xəbər verir ki, bu barədə SOCAR-ın "2017-cü il üzrə illik hesabatı"nda qeyd olunub.
Bu məbləğin 10 mln. dolları 2017-ci ilin payına düşüb.
2008-2017-ci illər ərzində terminal vasitəsilə daşınan məhsul həcmi isə 23 mln. ton olub. 2017-ci il ərzində bu göstərici 1 606 354 ton təşkil edib.
“Black Sea Terminal” - Kulevi Neft Terminalı 2008-ci ildən etibarən istismara verilib. Məlumata görə, istismara qədər investisiya xərcləri 233 mln. dollar həcmində olub.
Terminal Azərbaycan və Orta Asiya regionundan neft və neft məhsullarının daşınması üçün nəzərdə tutulub.
