“W&T Offshore Inc.” müstəqil neft-qaz kəşfiyyatı şirkəti Meksika körfəzinin  dərin sularında  yerləşən “Ewing Bank 910”  yatağındakı    “South Timbalier 311” platformasında “ST 320 A-2” ikinci kəşfiyyat quyusunu qazıb. 

Şirkətdən verilən məlumata görə,  quyu nəzərdə tutulan dərinliyə  çatıb və quyunun 163 fut dərinliyində karbohidrogen təzahürləri aşkar olunub.  Quyuda qazma işləri bitəndən sonra qazma qurğusu   zəif hasilatın gözlənildiyi “ST 320 A-3” quyusunun qazma işlərinin aparılacağın  əraziyə köçəcək.  Şirkət yataqda yerləşən  “Miocene” formasiyasını hədəfə alan  və yüksək ehtiyat əldə edəcəyini düşündüyü  “ST 320 A-2” quyusundan zəif nəticə əldə etdikdən sonra bu qənaətə gəlib və bu yatağı riskli neft yatağı adlandırıb.           

Qeyd edək ki , hər iki quyu “W&T” şirkətinin birgə müəsssisə şərikləri ilə qazma işləri apardığı qazma proqramının  bir hissəsidir.

“İki sahil” ogj.com saytına istinadən xəbər verir ki,  proqramdan əldə olunacaq gəlir 361.4 milyon dollardır və proqram üzrə  körfəzdə 14  quyunun istismarı nəzərdə tutulub.