Monqolustanın “Petro Matad” neft kəşfiyyatı, hasilatı və istismarı şirkəti  bu ölkədə “Snow Leopard-1”  quyusundan sonra  “Wild Horse 1” quyusunun qazma işlərinə başlayıb. 

Nəzərə çatdıraq ki, “Snow Leopard-1”  quyusu boş çıxmışdı və quyu sementlənərək  tərk olunmuşdu. 

“İki sahil” upstreamonline.com saytına istinadən xəbər verir ki,  “Wild Horse 1” “Snow Leopard-1”  quyusu kimi   Taats hövzəsini hədəfə alıb və 2018 qazma kampaniyasına daxil olan dörd quyudan ikincisidir .  Quyunun ümumi dərinliyi 3350 metrdir  və qazma işlərinin 70 günə tamamlanacağı  gözlənilir.  Şirkət ikinci quyudan  müsbət nəticə gözlədiyini və ilkin  nəticənin onu məyus etdiyini bildirib.