Norveçin “Wellesley Petroleum” karbohidrogen kəşfiyyatı şirkəti  dekabr ayının 3-də  35/4-U-1 və 35/4-2 kəşfiyyat quyularının  qazılması ilə bağlı icazə hüququ  alıb.   Şirkətə qazma işləri aparmaq hüququnu “Petroleum Safety Authority” (PSA) departamenti  verib. 

Qeyd edək ki, “Wellesley” quyunun qazıldığı 931 saylı hasilat yatağının  operatorudur .

“İki sahil” youroilandgasnews.com saytına istinadən xəbər verir ki, PSA  departamentinin “Wellesley”  şirkətinə qazma hüququ verdiyi quyular 35/4-2 (Songesand) və  35/4-U-1qaz ehtiyatının olduğu pilot quyusudur.  

“Songesand”  quyusu  Şimal dənizində,  “Vega” yatağının  28 kilometrliyində,  suyun 392 metr dərinliyində qazılıb. Qazma işləri dekabr ayının 3-dən başlayıb və təxminən  17 gün davam edəcək. Quyunun qazılmasında  Yaponiyanın “Mitsubishi Heavy” şirkətinə məxsus olan “Transocean Arctic” yarımdalma qazma qurğusundan istifadə olunur.