Əslində biz yediyimiz qidalar haqqında daha çox məlumata malik olmalıyıq. Çox vaxt yalnız qidaların tərkibindəki yağ və ya şəkərin faizi ilə maraqlanır? amma onların istehlakının bizim üçün nə qədər zərərli və ya hətta ölümcül olmasına fikir vermirik. Amma bir çox qidalar var ki sadə mədə ağrısı ilə başlayıb ölümcül xəstəliyə qədər gətirib çıxarır.
Həmin qidalarla tanış olaq :
Fuqu
Bu tikanlı balıq dünyanın ən zəhərli qidası hesab edilir. Yaponiyada bu qida zərif dada malik qida hesab edilsə də, bu qida insanları iflic və hava çatışmazlığı ilə qarşı-qarşıya qoya bilər. Fuqunun insanda ölüm riski yaradan onun orqanlarında xüsusən də qaraciyərində aşkar olunan neyrotoksin( sinir sistemini pozan zəhər) maddəsidir ki , bu da el arasında tetrodoksin olaraq tanınır. Amma yapon qaydalarına görə , yalnız xüsusi lisenziyaya sahib olan və bu sahədə 3 il iş təcrübəsi olan aşpazlara fuqunu bişirmək icazəsi verilir. Yaponiyada tanınmış və seçilən aşpazlar fuqunu bişirərkən onu zəhərli edən tetrodoksin maddəsini az da olsa üstündə saxlayırlar. Bunu səbəb sözügedən maddənin dili büzüşdürməsidir. Çox vaxt fuqudan qidalarından Qərbdən gələnlər və ya adrenalin axtaranlar istifadə edirlər. Lakin fuqudan yeyib amma ölmək istəmirsinizsə bu zaman Yaponiyanın Şimonoseki şəhərindəki restoranda yeyin, çünki bu şəhərdə hələ ki, fuqu yeyib zəhərlənən olmayıb.
Öküz qurbağası
Namibiyanın nəhəng öküz qurbağası və ya (Pyxicephalus adspersus) orada ən dadlı yeməklərdən biridir. Xüsusilə Ovambo xalqı tərəfindən bayramlarda tez -tez bişirilir. Bu qurbağaların daha çox balalarında Oshiketakata adlanan zəhərli toksin aşkar olunur . Öküz qurbağasını “Üçüncü yağış”dan , həddən artıq quruldadıqdan və çoxlu nəsil verdikdən sonra yemək təhlükəsiz hesab olunur. Tərkibindəki zəhərli toksinlər ağrılı sidik ifrazına,böyrək agrılarına və hətta ölümə səbəb olur. 25 sm ölçü ilə bu qurbağa Namibiyanın ən böyük qurbağalarından biri hesab olunur və hər şey -siçovuldan tutmuş sürünənlərə hətta digər qurbağalara qədər hər şey yeyir.
Factsite saytının materialları əsasında hazırladılar:
Leyla Şıxəli Bayramlı
Fidan Əlizadə
