Zərgərlik məmulatlarının sərgi-satış salonundan həcmi 50 karat, dəyəri 1,8 milyon dollar olan brilyant oğurlanıb.

“Ölkə.Az” “kyodo”ya istinadən xəbər verir ki, hadisə Yaponiyanın Yokohama şəhərində baş verib.

Oktyabrın 24-də  sərginin bağlanması zamanı orada  iştirak edənlərdən biri görüb ki, şüşə altındakı 50 karatlıq və dəyəri 1,8 milyon dollar  brliyant zərgərlik məmulatı yoxdur.

İştirakçı brilyant məmulatı itməsini müəyyən etməmişdən bir saat öncə gördüyünü deyib. Brilyant itən zaman şüşə stend  açıq olub. Brilyantdan başqa  heç nə itməyib.

Videomüşahidə zamanı  brilyant itən stendin qarşısında  yaşlı bir kişi və onun ətrafında bir neçə qadının sıx dayandığını görüblər. Hələlik həmin şəxslərin oğurluq hadisəsində əli olub-olmaması dəqiqləşdirilməyib. Polis araşdırma aparır.