Ermənistanın baş naziri Nikol Paşinyan ABŞ-ın dövlət katibi Entoni Blinken ilə telefonla danışıb.
“İki sahil” Ermənistan mətbuatına istinadən xəbər verir ki, ikitərəfli münasibətləri və Qarabağdakı vəziyyəti müzakirə ediblər.
ABŞ-ın Ermənistana davamlı dəstəyini yüksək qiymətləndirən Paşinyan ATƏT-in Minsk Qrupu həmsədrləri çərçivəsində sülh prosesinin davam etdirilməsinin zəruriliyini deyib.
E.Blinken isə Ermənistanla tərəfdaşlığın inkişaf etdirilməsinin vacibliyini vurğulayıb. O, ABŞ-ın Ermənistana islahatlar üçün yardım göstərməyə davam edəcəyini vurğulayıb.
