Riz Viterspun
"Qanunda olan sarışın" filmində oynayan məşhur aktrisa Riz Viterspun kənardan şıltaq qızcığaza bənzəsə də, lakin yaratdığı obrazın tam əksinə olduqca uğurlu bir iş qadınıdı. Riz Viterspun artıq 24 yaşında olarkən məşhur "Type A Films" filmlərin istehsalı ilə məşğul olan şirkəti qurdu. Demək olar ki, yeni yaranan şirkətin fəaliyyəti çox uğurlu oldu. Qeyd edək ki, aktrisanın şirkəti əsasən "Dörd Milad" və "Penelopa" kimi məşhur filmlərin istehsalı və çəkilişi ilə məşhur oldu. 2012 -ci ildə Rizin şirkəti "Bruna Papandreya" şirkəti ilə birləşdi və yeni yaranan bu şirkətin adı "Pacific Standard" oldu.
Məhz bu şirkətin istehsal etdiyi " Vəhşi " və " İtmiş qız " dedektiv trilleri "Oskar" mükafatına layiq görüldü. Şirkət, eyni zamanda "Böyük kiçik yalan" serialının çəkilişini gerçəkləşdirdi . 2016 -cı ildə tam bir iş qadınına çevrilən Riz Viterspun yaratdığı markanı "Hello Sunshine" multimedia şirkəti ilə birləşdirərək işini daha da genişləndirdi. Riz Viterspun hətta bir necə dəfə uğurlu bir iş qadını adına layiq görülərək " Time" siyahısında da yer almışdı.
Jessica Alba
Məşhur aktrisa Jessika Alba tez-tez xeyriyyə tədbirlərində fəal iştirak edir və məhz buna görə də onun ekoloji cəhətdən təmiz məhsulların istehsal ilə məşğul olması heç də təəccüblü deyil. Jessica " The Honest Company"nin 15-20% səhmlərinə sahib olaraq şirkətin həmtəsisçisi oldu. 2012 -ci ildə o, həmçinin bütün təbəqələrə uyğun olan uşaq bezi istehsalı üçün bir fabrik açdı. Uğurlu biznes ledi daha sonra körpə kosmetikası və ev üçün kimyavi maddələr istehsal etməyə başladı.
Hazırda onun istehsal etdiyi məhsullar yalnız onlayn mağazada deyil, həmçinin "Nordstrom"," Buy Baby", "Costco", "Target" və" Whole Foods" supermarketlərindən də almaq olar. 2021 -ci ilin nəticələrinə görə, Jessica Albanın şirkətlərindən biri təxminən 1,45 milyard dollar qazanıb.
Sandra Bullok
"Oskar" mükafatına layıq görülən məşhur aktrisa Sandrok Ballok "Vanity Fair" qəzetinə verdiyi müsahibədə qeyd edib ki, o, bir yerdə durmağı sevən qadın deyil. Sandra biznes ilə bağlı fikirlərini daima yeniləyərək, özünü inkşaf etdirir. Məşhurun sözlərinə görə, onun elə uşaqlıqdan dizayn və marketingə qarşı marağı olub. Qeyd edək ki, məşhur aktrisa Texasda iki restoran açsa da, təəssüf ki, bir müddət sonra onlardan biri bağlanıb. Lakin ikincisi hələ də fəalliyyət göstərməkdədir. Hal-hazırda restoranını genişlədən aktrisa, çörək zavodu və çiçək dükanı da açıb. Əlavə edək ki, 57 yaşlı aktrisanın ailəsi də Sandranın biznes layihələrində ona çox dəstək olurlar .Məsələn, məşhurun bacısı Gezina onun restoranında administrator kimi çalışır və əsasəndə menyunun hazırlanması ilə məşğuldur.
Til Şvayqer
Til Şvayqer öz biznesinə sahib olan məşhurlar sırasına daxildir. 2016-ci ildə məşhur aktyor Hamburqda bir yer alaraq, orada sadə və cana yaxın restoran açdı. Restoranın dizaynında sadə kənd tərzinə üstünlük verən aktyorun obyektində 200-ə yaxın masa var. Rahat tekstili və sadə üslubu ilə digərlərindən seçilən bu yerdə, həmçinin aktyorun ailəsinin çoxsaylı şəkilləri asılıb. Qeyd edək ki, Almaniyanın məşhur ulduzu həm də otel sahibidir. Baltik dənizinin mənzərəli sahillərində yerləşən"Barefoot"( Ayaqyalın) oteli onun çəkildiyi eyniadlı filmin şərəfinə adlandırılmışdı. Bu balaca oteldə cəmi 57 otaq var bə buradakı qiymətlər də Avropa standartlarına görə çox əlverişlidir. Burada qiymətlər təxminən 90-300 avro arasında dəyişir.
Elizabet Herli
İngilis aktrisası Elizabet Herli antik əşyaları çox sevir. " Kral ailəsinin üzvləri" serialının ulduzu Londonun Çelsi şəhərinin tarixi evlərində yerləşən otelinə küllü miqdarda sərmayə qoyaraq onu bir saraya döndərdi. " 11 nömrəli Cadogan Garden Hotel" adlı bu otel, sanki Kraliça Viktoriyanın hakimiyyəti ilə bağlı xatirələri oyadır. Həmin otel ağır məxmər pərdələri, zərli çərçivələrdəki portretləri və güzgüləri, dar pilləkənləri və gizli otaqlari ilə hər kəsin marağına səbəb olur. Beş ulduzlu otelin qonaqlarına ən yaxşı yataq dəstindən tutmuş ən yaxşı şərablara qədər hər şey təklif olunur. İdeal bədən quruluşuna sahib olan Elizabet çimərlik geyimlərini də çox sevir. Məhz buna görə də, o "Elizabeth Hurley Beach" markasını icad edərək, müxtəlif çimərlik geyimləri və pareoları dizayn edir.
Jared Leto
Məşhur aktyor Jared Leto öz nümunəsi ilə bir daha sübut etdi ki, bacarıqlı insan hər bir sahədə uğur qazana bilər. Qeyd edək ki, məşhur aktyor "startap" bazarına böyük diqqət yetirir və investisiyaları ilə həmin şirkətlərə dəstək olur. Beləliklə, "Uber" , " Slack" və "Snapchat " kimi layihələrin ayağa qalxmasında yardım edən aktyorun altıncı hissi onu heç aldatmadı. Rusiyaya səfəri zamanı aktyor Sankt -Peterburqa səfər edərək "VKontakte" sosial şəbəkəsinin nümayəndələri ilə görüşüb. Bunu da əlavə edək ki, " İnstaqram"dakı pərəstişkarlarının şərhlərinə o,adətən özü cavab verir.
Jared Letto, həmçinin "Gucci" Moda Evinin yaradıcı direktoru Alessandro Mişel ilə əməkdaşlıq edir. Jared Leto tərəfindən hazırlanan kostyumlar kolleksiyası tanınmış modelyer tərəfindən çox bəyənilib. Bundan əlavə, aktyor tamaşalar və konsertlərin təşkili ilə məşğul olan "Möcüzələr ölkəsindəki macəralar"("Adventures in Wonderland") şirkətinin sahibidir.
Sting
Dünya şöhrətli musiqiçinin sözlərinə görə, o acqarnına mahnılarını ifa edə bilmir. Ekoloji cəhətdən təmiz və ləzzətli qidalara üstünlük verən Sting 1996 -cı ildə həyat yoldaşı Trudinin təkidi ilə Avropanın ən mənzərəli yerlərindən birində - İtalyan Toskana bölgəsində bir əmlak alır. Hal-hazırda Sting bir villanın və daha 300 hektar üzüm bağı, zeytunluq və mənzərəli çəmənliklərin sahibidir. Qeyd edək ki, bu yer Stingin ailə üçün doğma bir məkan oldu. Uşaqlıqda bir fermada yaşayan Trudi təmiz havadan zövq alır, müğənninin altı övladı isə şərabçılıqla məşğul olur.
2007 -ci ildə Stingin hazırladığı xüsusi şərablar ilk dəfə ABŞ və İngiltərədəki mağazalarda satışa çıxarıldı və peşəkarlar tərəfindən müsbət rəylər aldı. Müğənninin villasında şərabları dadmaqla yanaşı, yerli istehsal məhsulları - zeytun yağı, bal və salami kolbasasını ala biləcəyiniz bir mağaza da mövcuddur.
Samirə Tağıyeva, "İki sahil"
