Müəyyən bir kateqoriya insanlar ananas yeməkdən imtina etsələr daha yaxşıdır. “Moskva 24” portalı xəbər verir ki, bu barədə dietoloq Yelena Solomatina məlumat verib.

Böyük miqdarda məhsul allergiya xəstələri və mədə turşuluğu artıq olan insanlar üçün əks göstərişdir. Mütəxəssisin sözlərinə görə, tropik meyvənin tərkibindəki turşular selikli qişaları qıcıqlandırır.

“Böyüklərə 100 qram, uşaqlar üçün isə 50 qram ananas yeməyi məsləhət görürəm. Ananasın həddindən artıq istehlakı uşaqların selikli qişasını korlaya bilər ",-deyə həkim izah edib.

Ananasın sağlamlığa bir çox faydası var. Viral və bakterial infeksiyalara qarşı mübarizə aparan, həmçinin immunitet sistemini gücləndirən C vitamini ilə zəngindir.

“Onun tərkibində B qrupu vitaminləri də var ki, onlar sinir sistemimiz üçün faydalıdır. Buna görə əsəb yorğunluğu, həddindən artıq iş zamanı ananasdan istifadə etmək tövsiyə olunur ",-deyə dietoloq əlavə edib.

Məhsul ateroskleroz və trombozun qarşısının alınması üçün də faydalıdır. Bu meyvənin tərkibində bədəni təmizləmək üçün lazım olan liflər var.

Nubar Süleymanova, “İki sahil”