Çiçəklər haqqında alimlər maraqlı bir fakt  öyrəniblər.  Sən demə, onlar təkcə estetik  zövq mənbəyi deyil. Həm də insan beyinin müalicəsində əvəzsiz rol oynayır. Çin alimlərinin  sözlərinə görə, nərgiz, novruz gülü, zəfəran, lavanda kimi çiçəklər bir sıra müalicəvi xassələrə  malikdir.

Belə ki, novruz gülünün  tərkibində qalantamin maddəsi alzheimer xəstəliyi nəticəsində yaranan yüngül və ağır dərəcəli ağıl kəmliyə, eləcə də  beyin qan dövranının xroniki pozğuntuları zamanı faydalıdır. Bu maddə orqanizmdə asetilxolinin qatlığını artırır.

Asetilxolin  neyronlardan  gələn məlumatların ötürməsinə  görə məsuliyyət daşıyır. Qalantamin  nərgizin tərkibində  mövcuddur. Bu çiçəyin eyni zamanda xərçəng əleyhinə xassələrə  malik olduğu güman edilir. Eyni zamanda  Sidneydən olan alimlər  müəyyən etmişlər ki, zəfəran görmə hüceyrələrinin elastikliyinə kömək edir.

Lavanda  isə qorxu hissini  aradan qaldırır, yuxusuzlukdan  xilas edir, həm  də ağrı və aqressivliyi  azaldır. Eyni xüsusiyyətlərə  südləyən  gülü də  malikdir. O, beyin hüceyrələrini qocalmaqdan da qoruyur.

Zəfər Orucoğlu,
Azərbaycan Jurnalistlər Birliyinin üzvü