Ukraynanı builki Avroviziya təmsilçisi Kalush Orchestranın ehtiyat performansı çəkilməyəcək.

“İki sahil” xəbər verir ki, bu barədə İtaliyanın RAI dövlət kanalının baş direktorunun müavini Klaudio Fasulo məlumat verib. Bildirilib ki, qrup qatılmayacağı təqdirdə təqdim olunacaq çıxışının çəkilişi Lvovda planlaşdırılsa da, şəhər hazırda Rusiya bombardmanları altındadır.

Əgər Kalushun Turinə gedə bilməsə, milli seçim turu olan Vidbir-dəki çıxışı yayımlanacaq. Qrup isə Ukraynanın Avroviziyada iştirak edəcəyinə ümid etdiyini və nümayəndə heyəti ilə görüşlər keçirdiyini bildirib.