Dünya üzrə qəfil ölüm daha çox kişilər arasında baş verir. Bu, həm də onunla əlaqədardır ki, kişilər sağlamlıq problemləri yaranarsa, mütəxəssislərə daha az müraciət edir, xəstəliyin simptomlara və qarşısının alınmasına məhəl qoymurlar. Tibb elmləri namizədi, Moskva Dövlət Universitetinin klinikasının endokrinoloqu Zuxra Pavlova öz “Telegram” kanalında hər bir kişinin keçməli olduğu testləri sadalayıb.

"Bütün bu analizlər üçün cəmi bir dəfə acqarına laboratoriyaya getmək və damardan bir qədər qan vermək lazımdır. Cəmi beş dəqiqə" deyən həkim əlavə edib ki, sonda bu testlərə yaxşı bir həkim tərəfindən baxılması çox vacibdir. Aşağı və yüksək xolesterol sıxlığının və trigliserid səviyyələrinin fraksiyasını qiymətləndirmək üçün lipid profilini (xolesterolun müxtəlif növləri üçün ətraflı təhlil) etmək əsasdır.

İkinci tədqiqat hormonal skrininqdir ki, bu da TSH (tiroid stimullaşdırıcı hormon), prolaktin, total testosteron, estradiol, dihidrotestosteron, insulini ehtiva etməlidir.

Siz həmçinin biokimyəvi qan testi və prostat spesifik antigen (PSA) testindən keçməlisiniz. Sonuncu prostat vəzinin bədxassəli degenerasiyasının mövcudluğunu və ya olmamasını əks etdirən bir şiş markeridir.

"Eləcə də bağırsaq xərçəngi üçün test. Bu, həmçinin xərçəngin digər növləri - mədəaltı vəz, mədə, nazofarenks, ağciyərlər haqqında da siqnal verə bilər", - deyə endokrinoloq bildirib.

Nubar Süleymanova, “İki sahil”