Azərbaycan xarici işlər naziri Ceyhun Bayramov Rusiyaya işgüzar səfər edəcək.
“İki sahil” xəbər verir ki, bu barədə Rusiya Xarici İşlər Nazirliyi məlumat yayıb.
Qeyd edilib ki, dekabrın 5-də reallaşacaq səfər çərçivəsində C.Bayramovun rusiyalı həmkarı Sergey Lavrovla görüşü nəzərdə tutulub. Görüşdə ikitərəfli əməkdaşlığın vəziyyəti və perspektivlərinin müzakirəsi, həmçinin regional və beynəlxalq gündəliyin ən aktual aspektləri, o cümlədən Azərbaycan-Ermənistan münasibətlərinin normallaşdırılması məsələləri üzrə fikir mübadiləsinin aparılması planlaşdırılır.