Taekvondo üzrə 26-cı dünya çempionatı yüksək səviyyədə təşkil olunub.
“İki sahil” xəbər verir ki, bunu Dünya Taekvondo Federasiyasının prezidenti Çunqvon Çu Azərbaycan Respublikasının Prezidenti İlham Əliyev tərəfindən qəbul edilən zaman bildirib.
O, 144 ölkənin nümayəndəsinin iştirakı ilə keçirilən bu idman yarışının taekvondo tarixində ən böyük çempionat olduğunu qeyd edib.
Qonaq bu çempionatın Ulu Öndər Heydər Əliyevin anadan olmasının 100 illiyinin qeyd olunduğu dövrə təsadüf etməsinin rəmzi məna daşıdığını vurğulayıb.
