Bu gün Azərbaycan və Gürcüstan xarici işlər nazirlikləri arasında aparılacaq siyasi məsləhətləşmələr zamanı Azərbaycan və Gürcüstan arasında dövlət sərhədinin delimitasiya və demarkasiyası üzrə dövlətlərarası komissiyanın fəaliyyəti ilə bağlı qeyri-formal müzakirə aparılacaq.

“İki sahil” xəbər verir ki, bu barədə Tbilisidə səfərdə olan Xarici İşlər nazirinin müavini Xələf Xələfov bildirib:

“Bilavasitə həmin məsələlərin formal müzakirəsi aparılmayacaq, lakin qeyri-formal şəkildə biz bu məsələlərə də nəzər salacağıq, fikir mübadiləsi aparacağıq və təbii ki, komissiyanın işini davam etdirməsi ilə bağlı müəyyən fikirlərimizi bölüşəcəyik”, - Xələf Xələfov deyib.