Çəhrayı souslu “Burger King” burgeri, ev heyvanlarına geyindirilmiş " qanadlı Barbie " sviterləri və Barbie motivli çarpayılar..... İstənilən geyim mağazasında siz çəhrayı rəngli və üstündə barbie motivli köynəklərdən gözlərinizi çəkə bilməyəcəksiniz. Buna səbəb keçən həftədən kinoteatrlarda nümayiş olunan və izləmə rekordu qıran "Barbie" filmi olub. Hazırda satışda itiniz üçün belə barbie idman ayaqqabısı, barbie kürək çantaları, barbie üzgüçülük paltarları və barbie kapüşonları var. Mağazalarda daş-qaşlarla bəzədilmiş şüşə su qabları, çəhrayı təkərləri olan neon sarısı rəngində diyircəkli ayaqqabılar və daha nələr görə bilərsiniz.
“Mattel” şirkətinin prezidenti və baş direktoru Riçard Dikson müsahibəsində: "Dünyanın elə bir küncü yoxdur ki, çəhrayı rəngə çevrilməsin"-deyə bildirib. “Valentino dizaynerləri” 2022-ci ilin mart ayından modellərin başdan ayağa fuşya ( tünd çəhrayı rəng) rənginə bürünməsi ilə çəhrayı rəngin partlayışını əvvəldən hiss etdiklərini bildiriblər.
Bir neçə ay sonra fotoşəkillərdə “Barbie” filminin ulduzu Margot Robbieni çəkiliş meydançasında çəhrayı rəngli kombinezonda göründü. “InStyle.p”nin xəbər direktoru Madeline Hirsch deyir ki, bu rəng Qərb tərzli geyimlərin və parlaq Y2K modalarının trend olduğu bir vaxtda viral oldu.
Bu tərz COVID-19 pandemiyasında evə qapanmadan sonra bir çox insanın ofislərə qayıtması ilə üst-üstə düşdü. Hirsch insanların pandemiyadan sonra sanki yenilənmək, canlanmaq üçün yeni rəng və yeni tərz arzuladıqlarını və belə bir vaxtda barbienin ecazkar cazibəsi ilə insanları özünə cəlb etdiyini bildirib.
Çəhrayı parıldayan popkorn
Barbie Mattel-in ilk üç markasından biridir. Oyuncaq istehsalçısı 2022-ci ildə “Barbiecore” adı ilə markasını yaratdı və yüksək səviyyəli fransız dizayneri Balmain, zərgərlik istehsalçısı Kendra Scott və rahat geyimləri ilə seçilən Barefoot Dreams kimi şirkətlərlə əməkdaşlıq etdi. Filmdən sonra Mattellə əməkdaşlıq etmək istəyən şirkətlərin sayı da artmağa başlayıb. Hal-hazırda mövcud olan əşyalar arasında 20 dollarlıq barbie köynəyindən tutmuş, barbie motivli 1550 dollarlıq bluza var. Barbiedən ilhamlanan qidalara Braziliyadakı “Burger King”də satılan dondurma dadlı və çəhrayı souslu “Barbie burger”də daxildir. Hazırda Sidney hava limanında sərgilənən çəhrayı çamadanlar barbieden ilhamlanaraq hazırlanıb.
Hirsch deyır ki, “Barbie” çəhrayıdan daha artığını ifadə edir. Filmi izləməyə gələn qadınlar belə kinoteatrlara barbiedən ilhamlanmış geyimlər geyinərək gəlirlər.
Qeyd edək ki, “Barbie” filmi onunla eyni vaxtda nümayiş olunan “Oppenheimer” və Tom Kruzun "Mission: Impossible" filmlərini bilet satışına görə geridə qoyub.
Leyla Şıxəli, “İki sahil”
