"Xanım nazirə həmçinin işğaldan azad olunmuş ərazilərdə aparılan bərpa-quruculuq işləri barədə də məlumat verdim".

“İki sahil” xəbər verir ki, bunu xarici işlər naziri Ceyhun Bayramov Belçikanın xarici işlər naziri Hadca Labibi ilə brifinqi zamanı deyib.

“Həmçinin bu sahədə ən ciddi təhdidlərdən olan mina təhdidi barədə də məlumat verdim. Ermənistan bu sahədə tamamilə qeyri-konstruktiv mövqe sərgiləyir. Hansı ki Ermənistan tərəfindən basdırılan minalar hələ də can itkisinə səbəb olur. Bu günə kimi ümumilikdə 300-dən çox insan mina qurbanı olub. Bütün bunlara baxmayaraq, Azərbaycan dövləti sözügedən əraziləri yenidən qurmaq əzmindədir”, - nazir əlavə edib.