Xanım nazir qeyd etdi ki, yanvar ayından etibarən Belçika Krallığı Avropa İttifaqına (Aİ) sədrlik edəcək.

“İki sahil” xəbər verir ki, bunu xarici işlər naziri Ceyhun Bayramov Belçikanın xarici işlər naziri Hadca Labibi ilə brifinqi zamanı deyib.

“Belçikanın sədr funksiyasını yerinə yetirərək, bu, həmçinin Aİ-yə üzv digər ölkələrə də aiddir, istəyimiz gələcəyə baxış olaraq odur ki, növbəti illərdə ölkəmizə qarşı ikili standartların şahidi olmayaq. Bilirik ki, Aİ-nin bir sıra ölkələri separatçılığın təşviq olunmasına həssas yanaşırlar. Biz bu həssaslığı təkcə Avropa üçün deyil, digər regionlar, o cümlədən keçmiş post-sovet məkanında da hiss etmək istəyirik. Yəni bizim istəyimiz odur ki, Azərbaycanın həyata keçirdiyi addımlara rəy və fikir bildirməzdən öncə Aİ-dən olan həmkarlarımız məsələnin mahiyyətini başa düşsünlər, sonra rəy versinlər. Ermənistan tərəfindən separatizm meyllərinin, siyasi manipulyasiyaların humanitar məsələlər donu altında təqdim olunması Avropalı həmkarlarımız tərəfindən asan qəbul edilməsin”, - nazir əlavə edib.