18 sentyabr 2023 16:25
347

Azərbaycanda koronavirusun "Eris" variantının yayılması barədə rəsmi məlumat yoxdur, amma... - Vasif Əliyev

Hazırda qonşu ölkələrdə COVID-19-un yeni variantı aşkarlanıb. COVID-19-un yeni ştammi, həmçinin qrip, digər respirator infeksiyalar nisbətən yüngül formada keçdiyindən xəstələr əksər hallarda test vermək üçün xəstəxanaya və poliklinikalara müraciət etmirlər, ev şəraitində simptomatik müalicə alırlar. Bu isə öz növbəsində belə infeksiyalara yoluxmuş insanların rəsmi qeydiyyata alınmasını çətinləşdirir. Hazırda Azərbaycanda koronavirusun "Eris" variantının yayılması barədə rəsmi məlumat yoxdur.

Bu fikirləri “İki sahil”ə açıqlamasında Səhiyyə Nazirliyinin mütəxəssis-eksperi, infeksionist Vasif Əliyev deyib.

Vasif Əliyev bildirib ki, bütün respirator infeksiyalardan qorunma tədbirləri eynidir.  Sanitar və gigiyenik qaydalara riayət edilməsi vacibdir.  Bura sosial məsafənin gözlənilməsi, xəstə insanın ev şəraitində izlənilməsi, əl təmizliyi kimi qaydalar və.s. aiddir.