"Son illərdə Gürcüstan regionda sülh, sabitlik və əməkdaşlığa töhfə verib. Biz Türkiyə, Ermənistan və Azərbaycanla strateji tərəfdaşlığımızı və mehriban qonşuluq münasibətlərimizi daha da dərinləşdirmək niyyətindəyik".

“İki sahil” xəbər verir ki, bunu Gürcüstanın Baş naziri vəzifəsinə namizəd İrakli Kobaxidze bu gün parlamentdə çıxış edərkən deyib.

O bildirib ki, hökumətin xarici siyasətinin əsas məqsədlərindən biri Gürcüstan-Rusiya münaqişəsinin həllidir.

Qeyd edək ki, bu gün "Gürcü Arzusu" İrakli Kobaxidzenin rəhbərlik edəcəyi yeni hökumətə etimad göstərəcək.