Xırdalan-Binəqədi şosesi ətrafındakı ərazilərə içməli suyun verilməsi məhdudlaşacaq

Fevralın 22-də gün ərzində Xırdalan-Binəqədi şosesi ətrafındakı ərazilərə içməli suyun verilməsində məhdudiyyətlər olacaq.

“Azərsu” ASC-nin mətbuat xidmətindən bildirilib ki, bu, Xırdalan-Binəqədi-Balaxanı avtomobil yolunun yenidən qurulması layihəsi çərçivəsində ərazidən keçən su xətlərinin köçürülməsi ilə əlaqədardır.

Yaranacaq narahatlıqla əlaqədar “Azərsu” ASC abonentlərdən üzr istəyir.