Məşhur çərəz haqqında maraqlı faktları bilin!
Popkornda (qarğıdalı dənəsi) bədən hüceyrələrini sərbəst radikalların yaratdığı zərərdən qorumağa kömək edən polifenollar kimi əhəmiyyətli miqdarda antioksidantlar var. Liflə zəngin və aşağı kalorili olması bəzi insanların kinoteatrda böyük bir “vedrə” ilə yediyi popkornun sağlam qəlyanaltı sayıla biləcəyinə inanmasına səbəb ola bilər. Bununla belə, diqqətli olmalısınız, hər çərəzin təhlükəsiz qida sayılmır. Havada partladılmış və yüngül ədviyyatlı popkorn nisbətən sağlam qəlyanaltıdır, çünki yüksək lifli tam taxıllar ürək xəstəliyi və diabet riskinin azalması ilə əlaqələndirilir.
Popkornun sağlamlığa faydaları və zərərləri
ABŞ-da federal pəhriz qaydaları göstərir ki, popkornda tam taxıl çörəyindən daha çox lif var. “Düzgün hazırlandıqda, popkorn əslində olduqca yaxşı qəlyanaltıdır. O, sabit, ucuz və kifayət qədər dadlıdır” ABŞ-ın “Rhode Island” Universitetinin qidalanma və qida elmləri üzrə dosenti Maya Vadivelu belə deyib.
Bir vedrə kinoteatr popkornunun tərkibində 1090 kalori və 2650 milliqram natrium ola bilər. “Natrium ümumiyyətlə, hipertoniya və insult üçün aparıcı risk faktorlarından biridir, ona görə də ürək-damar sağlamlığı baxımından bu qəlyanaltıdan narahatıq”,-deyə Vadivelu əlavə edib.
Müəyyən miqdarda ürəyə faydalı yağ (kanola yağı və ya zeytun yağı) ilə qovrulan popkorn faydalı ola bilər. Amma ekspertin fikrincə, qəlyanaltının necə hazırlanmasına əvvəlcədən nəzarət etmək daha yaxşıdır.
Popkornda olan diasetil nəfəs darlığına və xırıltıya səbəb olan “popkorn ağciyəri” adlı bir vəziyyətlə əlaqələndirilir. Böyük miqdarda diasetil istehlak edildikdə təhlükə yaranır. Ancaq liflərlə yanaşı, popkorn yaxşı polifenol mənbəyidir. Bunlar qan dövranını və həzm sağlamlığını yaxşılaşdıran və potensial olaraq müəyyən xərçəng növlərinin riskini azaldan antioksidantlardır. Popkornun başqa bir sağlamlıq faydası toxluq faktorudur. Yüksək lif tərkibinə, aşağı kalorili tərkibinə və aşağı enerji sıxlığına görə popkorn nisbətən arıqladan qida hesab olunur. Məsələn, popkornun eyni miqdarda kalorili kartof çipslərindən daha çox toxluq hiss etdirdiyi sübut edilmişdir.
Nubar Süleymanova, “İki sahil”
