Bəzən insanlar gündüz vaxtı yatdıqdan sonra özlərində  güc artımı hiss edir, bəzən isə əksinə, zəiflik hiss edirlər. Bununla bağlı mütəxəssislər bildiriblər ki, gündüz vaxtı  yatmaq istəsəniz mütləq müəyyən qaydalara əməl etməlisiniz.

Gündüz yatmaq istəyi əsasən gecələr kifayət qədər yuxu yatmayanda yaranır. Bir qayda olaraq, bunlar gecə işləyən və ya ağır fiziki və zehni stress keçirən insanlardır.

Əlbəttə ki, gecələr kifayət qədər yatmaq daha yaxşıdır, lakin “əgər həqiqətən ehtiyacınız varsa” gün ərzində yuxuya gedə bilərsiniz.  Lakin 20 dəqiqədən çox olmamaq şərtilə. Yuxu dərin fazaya keçməməsi və oyanmağın  daha asan olması üçün gündüz vaxtı 20 dəqiqədən artıq yuxu yatmaq məsləhət deyil. Uzun müddət yuxu yatsanız  baş ağrıları və yorğunluq hissi ola bilər. Bu, yuxunun ətaləti ilə əlaqədardır. İnsan yuxuya gedəndə orqanizm 7-9 saat ərzində “yuxu rejiminə” girməyə hazırlaşır.Uzun gündüz yuxusundan sonra gözlənilmədən oyandıqda oriyentasiya pozulur, beyin və bədəndə çaşqınlıq yaranır ki, bu da rifahın pisləşməsinə səbəb olur.  

Gündüz yuxusu üçün ən yaxşı vaxt 13:00 ilə 15:00 arasıdır. Bundan başqa  istirahət zamanı otağı qaranlıq etmək  və ya yuxu maskasından istifadə etmək lazımdır.

Könül Əliyeva, "İki sahil"