Uşaqlara həftədə ən azı 2-3 dəfə şorba yeməlidir. Ancaq bəzi ilk yeməklər körpə qidasında istifadə edilmir.

“İki sahil” xəbər verir ki, bu haqda “medaboutme.ru” saytında məqalə yayımlanıb.

Uşaqlar üçün şorbaların faydaları nələrdir?

Qeyd edilir ki, şorbalar orqanizmi əlavə maye ilə doyurur ki, bu da susuzluğun qarşısını alır və metabolik prosesləri stimullaşdırır. Bundan əlavə, tərkibindən asılı olaraq şorba böyüyən uşağın orqanizmi üçün zəruri olan lif, mürəkkəb karbohidratlar, zülallar və yağlarla zəngin olur.

Uşaqlar üçün hansı şorbalar uyğundur, hansılar deyil?

Mütəxəssislər hesab edir ki, uşaqlara kələm şorbası, borş, ətli müxtəlif növ şorbalar, balıq, toyuq suyu, vegetarian və süd şorbaları verilə bilər. Lakin onların ədviyyatlı və ya yağlı olmaması vacibdir. Pediatrlar uşaqlara həftədə 2-3 dəfədən çox olmayan ət suyu ilə şorba verməyi tövsiyə edir, digər günlərdə onları vegetarian və ya süd şorbası ilə əvəz etməyi təklif edirlər.

Bəzi pediatrlar isə uşaqlara güclü sümük bulyonlarından hazırlanmış şorba verməyi məsləhət görmür - onların tərkibində həzm sisteminin selikli qişasını qıcıqlandıran və xroniki metabolik xəstəliklərin inkişafına səbəb ola biləcək çoxlu ekstraktiv maddələr var. Ördək və qaz ətinin də tərkibindəki yağ miqdarı yüksək olduğu üçün uşaq qidalarında istifadə edilməməsi məsləhətdir. Uşaqları şorba və ya başqa yeməyi sona qədər yeyib bitirməyə məcbur etmək olmaz. Bəzən uşaqlar şorbalardan tamamilə imtina edirlər, lakin valideynləri bu vəziyyətə uyğun reaksiya verərlərsə, bu problem həllini tapar.

Nüsrət Məmmədov, "İki sahil"