Ötən ilin sentyabr ayında start götürən "2018-ci il dünyanın avtomobili" müsabiqəsi 35 modeldən ibarət siyahını təqdim etmişdi.

"Ölkə.Az" xəbər verir ki, hazırda siyahıda cəmi 10 avtomobilin adı qalıb. Qalibi dünyanın 20 ölkəsindən olan 73 jurnalistdən ibarət jüri heyəti açıqlayacaq. Açıqlama bu ilin aprel ayında Nyu-Yorkda keçiriləcək motorşouda veriləcək.

İlk yer uğrunda "Alfa Romeo Giulia", "BMW X3", "Kia Stinger", "Land Rover Discovery", "Mazda CX-5", "Nissan Leaf", "Range Rover Velar", "Toyota Camry", "Volkswagen T-Roc" və  "Volvo XC60" modelləri mübarizə aparır.

Əsas kateqoriyadan başqa "Ən yaxşı şəhər avtomobili", "ən yaxşı premium avtomobili", "ən yaxşı "yaşıl" avtomobil" və "ən yaxşı idman avtomobili" nominasiyaları da var.

Qeyd edək ki, "Volvo XC60" modeli artıq Yaponiya və ABŞ-da "ilin avtomobili" seçilib.