Pentaqon rəhbəri Lloyd Ostin bildirib ki, F-16 qırıcıları və onları idarə etmək üçün öyrədilmiş pilotlar bu il Ukraynaya getməyə başlayacaq.

“İki sahil” xəbər verir ki, bu barədə Amerika müdafiə departamentinin rəhbəri Ukrayna donorlarının növbəti görüşü zamanı bildirib.

“Bu il hədiyyə edilmiş F-16-ların eskadrilyaları, eləcə də pilotlar və əməliyyat heyəti Ukraynaya getməyə başlayacaq”, - RİA Novosti Ostindən sitat gətirib.

Aprelin 17-də Ukrayna Silahlı Qüvvələrində xidmət edən pilotlar da daxil olmaqla, pilotların hazırlanması üçün istifadə olunacaq üç F-16 qırıcısı Rumıniyanın 86-cı aviabazasına gətirilib.