30 aprel 2024 14:19
263

YAP Nizami rayon təşkilatının “Heydər Əliyev prospekti 142” ƏPT-də görüş keçirilib

Yeni Azərbaycan Partiyası Nizami rayon təşkilatının “Heydər Əliyev prospekti 142” ərazi partiya təşkilatında görüş keçirilib.

“İki sahil” xəbər verir ki, görüşdə YAP Nizami rayon təşkilatının sədri Ramil Vəlibəyov və “Heydər Əliyev prospekti 142” ərazi partiya təşkilatının sədri İlqar Mustafayev çıxış edərək partiyanın təsis olunmasından bu günə qədər keçdiyi şərəfli inkişaf yolundan, Ulu Öndər Heydər Əliyevin və Prezident İlham Əliyevin xalq, dövlət qarşısındakı xidmətlərindən, Azərbaycanın Zəfər tarixindən danışıblar. Eyni zamanda, YAP-ın ictimai-siyasi proseslərdə rolundan bəhs edilib, qarşıdan gələn mühüm proseslərlə əlaqədar fikir mübadiləsi aparılıb.

Görüşdə partiya üzvlərini maraqlandıran suallar da cavablandırılıb.

Sonda yubiley yaşında olan və 20 ildən artıq partiya stajına malik üzvlər mükafatlandırılıb.