Qızıl Palma Kann Film Festivalının əsas hissəsində verilən ən böyük mükafatdır. Bir neçə gündən sonra 77-ci Beynəlxalq Kann Film Festivalı başlayır. Müsabiqənin proqramında 22 film olacaq. Tamaşaçıların görəcəyi ilk film fransız rejissoru Kuentin Düpyenin “İkinci akt” filmi olacaq. Münsiflər heyətinə amerikalı rejissor, ssenarist, “Kiçik qadınlar”, “Ledi Berd” və “Barbi” kimi filmlərin müəllifi Qreta Qerviq rəhbərlik edəcək.
Amma bundan əvvəl gəlin, son illərdə hansı filmlərin Qızıl Palma budağına sahib olduğuna birlikdə nəzər salaq.
“Düşmə anatomiyası” (Anatomy of a Fall) - 2023
IMDb: 7.7
Filmin baş qəhrəmanı əri pəncərədən yıxılaraq müəmmalı şəkildə ölən alman yazıçı xanımdır. Faciənin yeganə şahidi olan kor oğul anasının günahsız olduğuna şübhə etməyə başlayır və qadın qətldə şübhəli bilinir...
Rejisor: Justine Triet
Aktyorlar: Sandra Hüller, Swann Arlaud, Milo Machado-Graner
“Kədər üçbucağı” (Triangle of Sadness) - 2022
IMDb: 7.3
Filmdə gənc model cütlükləri Karl və Yayanın milyarder sərnişinlər olan super lüks kruiz ilə reallaşdırdıqları səyahət əsnasında yaşadıqları macəra təsvir edilib.
Rejisor: Ruben Östlund
Aktyorlar: Thobias Thorwid, Harris Dickinson, Charlbi Dean
“Titan” - 2021
IMDb: 6.5
Kinomanlar görə, filmin yaradıcıları valideyn sevgisindən məhrum olan qəhrəmanın əvvəlcə insanları sevməyi necə unutduğunu, sonra da onu övladlığa götürən atası və mexaniki övladı sayəsində yenidən sevgi sevinclərini anladığını göstərmək istəyib.
Rejisor: Julia Ducournau
Aktyorlar: Vincent Lindon, Agathe Rousselle, Garance Marillier
“Parazit” - 2019
IMDb: 8.5
“Parazit” biri varlı, biri kasıb iki ailənin həyatı vasitəsilə köklü sosial təbəqə sistemini təsvir edən ailə satirasıdır.
Rejisor: Bong Joon Ho
Aktyorlar: Song Kang-ho, Lee Sun-kyun, Cho Yeo-jeong
“Shoplifters” - 2018
IMDb: 7.9
Tokionun gecəqondularında qeyri-funksional bir qrup yad adamı sədaqət, xırda oğurluq və hiyləgər fırıldaqçılığa olan bağlılıqları birləşdirir. Kiçik oğul həbs edildikdə, onların zəif və gizli həyatlarını alt-üst edən sirlər ortaya çıxır.
Rejisor: Kore-eda Hirokazu
Aktyorlar:Lily Franky, Sakura Andô, Kirin Kiki
Nigar Orucova, “İki sahil”
