Həqiqi pəhriz məhsulları minimum kalori ehtiva edir və bununla da arıqlamağınıza kömək edir. Ancaq elə qidalar var ki, özlərini yalnız aşağı kalorili kimi “göstərirlər”.

Az yağlı qatıq, şəkər əvəzedicilər, taxıl və müsli, fruktoza əsaslı şirniyyatlar, qurudulmuş meyvələr və böyük miqdarda qoz-fındıq, şəkərsiz şokolad – rusiyalı həkim Sergey Aqapkin bütün bunları aldadıcı pəhriz məhsulları kimi təsnif edib. “Onlar arıqlamağınıza kömək etmir”,-deyə o bildirib.

Belə ki, bir çox istehsalçılar dadını yaxşılaşdırmaq üçün az yağlı qatığa nişasta və şəkər əlavə edirlər. Beləliklə, yağ tərkibinin daha az olduğu, kalori miqdarının isə bəzən daha yüksək olduğu ortaya çıxır.

Başqa bir misal fitnes müsli adlanan yeməkdir. Bu, yağda qızardılmış, çoxlu şəkərlə ətirli, iştahı açan yulaf əzməsidir.

Həkim arıqlamaq istəyənlərə fruktoza əsaslı şirniyyatları da tövsiyə etmir.

“Hələ 80-ci illərdə sübut edilmişdi ki, kimyəvi cəhətdən təmiz formada olan fruktozanın təxminən 75 faiz qaraciyər tərəfindən yağa çevrilir, çünki orqanizm fruktozadan necə istifadə edəcəyini bilmir”, – deyə doktor Aqapkin izah edib.

Nubar Süleymanova, “İki sahil”