08 iyun 2024 01:36
300

24 karatlıq qızılla örtülmüş “Gelendvagen”

Ekstravaqant layihələri ilə tanınan “Mansory” tyuninq studiyası “P900 EWB Gold Edition” adlanan yeni işinin şəkillərini dərc edib. Bu, qızılla örtülmüş “G-Class”dır. Avtomobil 900 at gücünə malik mühərriklə təchiz edilmişdir.

Layihə üçün “Mercedes-AMG G 63” əsas götürülüb, onun təkər bazası 20 santimetr uzadılıb və salonun arxa hissəsi yenidən işlənib. Orada mərkəzi konsolla ayrılmış iki fərdi, xüsusilə rahat və açılan masalı stul var. Salon açıq qəhvəyi dəri və karbon lifli bəzəklərdən istifadə edilməklə tamamilə yenilənib.

Korpusun modifikasiyaları yalnız uzatma ilə məhdudlaşmır: tyunerlər arxa qapıları hərəkət istiqamətinə qarşı açılacaq şəkildə yerləşdirərək onları bağlayıcılarla təchiz ediblər. Yeri gəlmişkən, “Mansory” salona rahat giriş üçün bu üsulu mütəmadi olaraq istifadə edir.

“AMG G 63” bazasından standart “V8”in gücü 900 at gücünə qədər artırılıb. Studiyanın məlumatına görə, yolsuzluq avtomobili indi 100 km/saat sürəti 3,3 saniyəyə yığa bilir, lakin onun maksimal sürəti alman ənənəsi olan 250 km/saatla məhdudlaşır.

“Mansory” bu layihəni təkrar etməyi planlaşdırmır.

Nubar Süleymanova, “İki sahil”