Çex Respublikasının Azərbaycandakı səfiri Milan Sedlaçek ilə ekologiya və təbii sərvətlər naziri Muxtar Babayev BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) hazırlıqla bağlı fikir mübadiləsi aparıb.

“İki sahil” xəbər verir ki, bu barədə Ekologiya və Təbii Sərvətlər Nazirliyi məlumat yayıb.

Bildirilib ki, tərəflər, həmçinin görüşdə iki ölkə arasında ətraf mühitin mühafizəsi, gələcək əməkdaşlıq imkanları müzakirə edib.

Qeyd edək ki, Azərbaycan bu ilin noyabrında COP29-a ev sahibliyi edəcək.