Kataloniyada kütləvi turizm əleyhinə mitinqlər keçirilir.

“İki sahil” “Catalan News”-a istinadla xəbər verir ki, iyulun 6-da Kataloniyada kütləvi turizmə qarşı keçirilən etiraz aksiyalarında 3 mindən çox insan iştirak edib.

Barselonada mitinqə 2800, Gironada isə 400-dən çox insan qatılıb.

Mitinqlərdə turist axınına məhdudiyyətlərə qoyulması tələb olunub. Aksiya iştirakçıları hesab edirlər ki, kütləvi turist axını sosial bərabərsizliyi, mənzil çatışmazlığını və ekoloji böhranı gücləndirir.

Gironada aksiyaçılar turistlərə təklif edilən evlərə etiraz plakatları yapışdırıblar. (APA)