Bir vaxtlar at yarışlarına ev sahibliyi edən Roma bölgəsində nevroloji xəstəliklərdən müalicə alan xəstələrə öz hərəkətlərini və inamlarını bərpa etmək üçün dörd at və iki poni köməklik edir.

San Giovanni Battista Xəstəxanasındakı yəhərlərinin yan tərəfində tutacaqları olan heyvanlar insanlara travma, insult, degenerativ xəstəliklər, eləcə də uzun müddət COVID-19-dan əziyyət çəkdikdən sonra ilk kiçik addımlarını atmağa dəstək olur.

 "Tarazlıqda qala bilmək, yeriyə bilmək gözəl hissdir. Çətindir, amma atla bunu bacarıram", -deyə avtomobil qəzasından sonra aylarla davam edən komadan ayılan əlil arabasına söykənən keçmiş atıcılıq çempionu Matteo Santopadre bildirib.

Bir vaxtlar şəhərin hippodromunun yerləşdiyi Romanın kənarında yerləşən xəstəxana İtaliyada hipoterapiyadan istifadə edən yeganə xəstəxanadır - bu, əzələ gücünü, tarazlığı və koordinasiyanı yaxşılaşdırmaq üçün idman zalında yerinə yetirilməsi daha çətin olan hərəkətlərə imkan verir.

Bu, həmçinin böyük psixoloji faydaları olan sakit və duyğusal yanaşma ilə onlara inam və məhəbbət hissi ötürür, heyvanlar və xəstələr arasında əlaqələri gücləndirir.

Xəstəxananın ənənəvi reabilitasiya ilə yanaşı fəaliyyət göstərən bu proqramı bir neçə ildir ki, mövcuddur. 2023-cü ildə 600-dən çox xəstənin müalicəsi bu üsulla aparılıb.

"Sakit nəfəsi və yavaş ürək döyüntüləri ilə at xəstələri cəlb edir və onları rahatlamağa sövq edir. Parkinson xəstəliyindən əziyyət çəkən Giuliana Geatti və Paola Conto bildirib ki, hipoterapiya onlara özlərinə əminlik və bir azadlıq hissi verir.

Nubar Süleymanova, “İki sahil”