İspaniyanın "Barselona" klubu heyətini yeni futbolçu ilə gücləndirib.

“İki sahil” Kataloniya təmsilçisinin rəsmi saytına istinadla xəbər verir ki, Almaniyanın "Leyptsiq" klubundan Dani Olmo transfer edilib.

Tərəflər 26 yaşlı yarımmüdafiəçinin keçidi ilə bağlı razılığa gəliblər. Onun müqaviləsinin müddəti 2030-cu ilin yayınadək nəzərdə tutulacaq.

Qeyd edək ki, İspaniya yığması ilə AVRO-2024-ün qalibi olan D.Olmo ötən mövsüm Bundesliqa komandasında meydana çıxdığı 25 oyunda 8 qol və 5 məhsuldar ötürmə ilə yadda qalıb.