COP27 və COP28-in uğurlarına əsaslanaraq, biz itkilərə və zərərlərə cavab vermək üçün fondu tam şəkildə işə salmalıyıq.
“İki sahil” xəbər verir ki, bu barədə BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) müəyyən olunmuş prezidenti, ekologiya və təbii sərvətlər naziri Muxtar Babayev Bakıda keçirilən İtki və Zərərə cavab verən Fondun İdarə Heyətinin 3-cü iclasında bildirib. "Biz həm də itki və zərərlə bağlı irəliləyiş əldə etməliyik, çünki iqlim dəyişikliyinin yaratdığı fəsadlar artıq müxtəlif ölkələrdə bir çox insan tərəfindən hiss olunur" - o qeyd edib.
