Misli Premyer Liqasının 14-cü turu çərçivəsində "Sumqayıt" "Şamaxı" ilə üz-üzə gəlib.

“İki sahil”in məlumatına görə, 13 xalla turnir cədvəlində 6-7-ci yerləri bölüşdürən komandaların qarşılaşmasında “Şamaxı”nın futbolçusu Leroy Mikels hesabı açıb.

45+1-ci dəqiqədə Cordan Rezabalanın hesabı bərabərləşdirdiyi yarışın 78-ci dəqiqəsində penaltini dəqiq yerinə yetirən Rövlan Muradov sumqayıtlıları hesabda irəli çıxarıb.

Misli Premyer Liqası,

14-cü tur

24 noyabr (bazar)

19:00. “Sumqayıt” 2–1 “Şamaxı”

Qollar: Leroy Mikels, 27 (0:1), Cordan Rezabala, 45+1 (1:1), Rövlan Muradov, 78 - pen. (2:1)

Hakimlər: Rauf Cabarov, Eyyub İbrahimov, Şirmamed Mamedov, Rəvan Həmzəzadə

Mehdi Hüseynzadə adına Sumqayıt şəhər stadionu

Məhərrəm Ağalaroğlu, “İki sahil”