2025-ci ildə UEFA Superkuboku uğrunda keçiriləcək oyunun yeri məlum olub.

“İki sahil” Avropa futbol qurumunun rəsmi saytına istinadla xəbər verir ki, qarşılaşma İtaliyanın Udine şəhərində təşkil olunacaq.

Avqustun 13-də oynanılacaq matçı “Udineze” klubunun ev oyunlarını keçirdiyi “Friuli” stadionu qəbul edəcək.

Qeyd edək ki, UEFA Superkuboku uğrunda görüş Çempionlar Liqası və Avropa Liqasının qalibi olan komandalar arasında keçirilir.